والله صوتك بيوحشني

يعني أقولك إيه ...
والله صوتك بيوحشني كل دقيقة
تعرف وانا بكلمك , بتمني أنه المكالمة متخلصشي
ولما بتخلص بزعل اوى وابقي عاوز أكلمك تاني

حبيبي
أنا عارف إني ممل ورذل وغلس , وعامل زي الغرقان اللي ربنا بعتلوا ملاك ينقذوا
والله أنا أسف لو خنقتك , بس والله غصب عني
صوتك بيقويني وبيجمدني
أنا من غير ضعيف أوى ومالل وشخص ملوش لزمة في الدنيا

حبيبي
أرجوك متزعلش مني
أرجوك تعملني كما لو كنت مجنون
أنت لو زعلت مني لحظة هموت والله


حبيبي
أنـــــــــــــــــــــــا أســـــــــــف
عارف نفسي غلس
بس أنا قدرك في الدنيا

أنا حياتي ليك والله

حبيبي

أنا عارف أنك مدايق مني
وعارف إني أنا شخصية ملولة أوى
وعارف أني مزودها معاك وخانقك
وعارف كل ده
بس والله العظيم غصب عني

حبيبي
تعرف أنه فترات الليل بتكون أصعب فترات حياتي
عارف ليه؟؟
علشان بكون بعيد عنك
وبصحي من النوم وبلبس واجري على اي مكتب أكلمك لما بيكون مفيش معايا رصيد

حبيبي
انا مش قادر أتكلم وحالتي النفسية في الحضيض
وقلقان وخايف عليك موووووووووووت

حبيبي
تعرف أنا بتمني الموت
آه والله بتمني الموت كل يوم علشان أخلص من عذابي واخلصك معاي

حبيبي
أنا عارف إني مزودها شوية معاك
بس والله غصب عني
وعارف أنه غصب عنك
بس أنا مقيش بأيدي حاجة غير حبك

حبيبي
عارفك ممكن تزعل من كلامي
بس والله أنا عايش في عذاب طول اليوم
دماغي هاتنفجر
عاوز طول الوقت أكلمك
عاوزك تكون جمبي
والله أنا أسف على تعلقي بيك الزيادة
أنا كنت غرقان وانت أنقذتني
أرجوك
خليك جمبي
ومتزهقش مني
لأني والله
مليش في الدنيا غيرك


بحبك اوى

انا زعلان من نفسي

حبيبي

أنت عارف اللي حصل النهاردة كنت متوقعه
ومش هخبي عليك كنت عارفوا
أنا عارف يا عمري أنك مقصرتش معايا وسيبت أعز الناس عندك في الدنيا علشان خاطري
بس أنا عارف أنه القدر مش عاوز يجمعنا
أنا مدايق أوي ... بس مش منك
أنا كنت بحلم باليوم ده
كنت بحلم بيك وانا صاحي
وكنت بحلم بيك وانا نايم

حبيبي

أوعي تفكر أني بعتب عليك
لا والله
أنا عارف اللي حصل وواثق فيك اوى ... وعارف أنه غصب عنك
بس
أنا كنت مستنيك
وحاسس أنه عطش كل الأيام اللي فاتت هاشبع منو
بس للأسف محصلشي
وفضلت عطشان زي مانا


حبيبي

هو أنا مش عندي حقوق عندك؟..
أنا عارف أنه القدر رسملنا حياتنا
بس أنا خلاص تعبت
والله تعبت
بس عمري ما هاخونك أبداً

حبيبي

مش عارف أقول حاجة
غير أنك واحشني أوي
ومش عارف دماغي بدأ الصداع يرجعلها
أنا خلاص اتأكدت أنك سبب صداعي
حبي ليك حاسس أنه بيقويني
وبعدك عني
بيدمرني


حبيبي
أنا بفضفض بس بالكلام
أوعي تفكرني زعلان
والله مش زعلان
بس لو متكلمتش كنت هموت

من حقي يكون لي بيت

حبيب قلبي وعمري وحياتي

طبعاً عارف أني بحبك

وطبعا عارف أنك كل حياتي

وطبعا عارف أنه أنا نفسي كل الدنيا تعرف

بس نفسي تعرف أني بتمني أنه يجمعنا بيت واحد والعمر كله

حبيبي

والله لما عرفتك أتمنيت بيني وبين نفسي أني أتحول بنت علشان نتجوز قدام العالم كله من غير كسوف ولا خوف

حبيبي

بقعد أفكر في حياتي من قبلك

تعرف بلاقي نفسي إيه ؟

بلاقي نفسي حد شهواني بيدور على شهوته وخلاص من غير أي ضوابط ولا روابط , كنت بعمل أي حاجة علشان أرضي شهوتي ومكنتشي بتخلص , لكن دلؤتي كفاية اسمع صوتك بيكفيني وبيدفيني وبينسيني أي شيء في الدنيا , حبيبي من يوم ما عرفتك وانا بصلي واصوم وبشكر ربنا في اليوم ألف مرة عليك وعلى معرفتك الجميلة يا حياتي وعمري اللي ابتدى معاك انت وبس

حبيبي

بشكرك وببوسك انك وقفت جمبي لغاية اني عرفت نفسي معنديش اى امراض

حبيبي

نفسي يبقالنا بيت يجمعنا

يا ترى دى أمنية بعيدة ولا قريبة ...الله أعلم

بس بتمناها

وهاغنيلك وميحرمنيش منك لأنك أجمل شيء في حياتي

الغيرة وعمايلها السودة

الحب والغيرة

والغيرة والحب

الغيرة بتتولد في قلب المحب

والحب بيتولد في القلب

ومن بعديه الغيرة بتعدى

يعني حبيبي سامحني بليز

لو في يوم غيرت عليك

ما أنت عارف

مليش حكم في قلبي

وحكم قلبي

منك أنت

أنت اللي عارف بحس بأيه

من غير ما أقول

أنت اللي حاسس بألامي من غير ما اقول آه

والله بحبك وبغير عليك

واسمحلي أغير عليك

واسمحلي أخاف عليك

واسمحلي أكون ديماً ألأن عليك

بحبك

بحبك

بحبك

ووعى تزعل مني في يوم

مش عارف أقول إيه

شكلي بهرفط في الكلام ... انا على فكرة نمت زعلان أمبارح

ولما صحيت على تليفونك نسيت كل حاجة ومكنش في قلبي غير صوتك

وملقتشي في عقلي , غير ملامحك

خلاص حبيبي

مش زعلان وانا على فكرة مش بعرف ازعل منك

بحبك اوى

خايف اوى

حبيبي

النهاردة ممكن أعترفلك أني مليش غيرك ... أنا خايف من بكرة أوى ... أدعيلي ربنا بقلبك يكون معايا الفترة دى ... ويخرجني من الأزمة دى على خير ... ولو محصلش مفيش حد غيرك هايكون جمبي لأني مش هاقول لحد غيرك ....

حبيبي

أنا كنت عايش قبلك في حيرة وتوهان ... وانت جيت نورت حياتى وجددتها وخلتنى أتجرأ واعمل حاجة كنت خايف منها سنين طويلة ...

حبيبي

أرجوك أوعى تسيبني وانا في الأزمة دى ...خليك معايا أنت ربنا بعتلك ليا زى الملايكة أرجوك خليك ملاكي الحارث لأني مليش غيرك في الدنيا

بحبك أوى وخايف أوى خليك معايا لأني من غيرك ولا حاجة

أدعيلي من قلبك

أفرح يا قلبي

حبيبي

النهاردة ... والنهاردة بس ... جاني الخبر الأجمل في حياتي

حبيبي

هاشوفك ... وهاتشوفني ... وهاننسي الوقت والدنيا ونغووووووووص فى بحور الحب والعشق ...

حبيبي

مش قادر أقولك أنت فرحتني ازاى النهاردة بالخبر الجميل ده

حبيبي

أنا حاسس أنى طاير في السما أو بحلم حلم جميل "ده أجمل أحلام حياتي"

حبيبي

حبيبي

حبيبي

مش عارف أقولك غير حبيبي

بحبك يا أغلى إنسان فى حياتي

لو عمرى يكفي هدية كنت هايتك بيه

بحبك أوى

خليني بقي أحلم واحلم واحلم باللي هايحصل بينا وخليني أحلم بيك على رواقه بقي

أحلم بيك فارس وانت حضني وانت بتبوسنى وانا في حضنك وبعيط من فرحتى بيك ... حبيبي

خلاص أحلامي كلها هاتحقق بين إيدك انت وبس

بحبك أوى

أدعيلي حبيبي ربنا يكون معايا واستحمل لغاية ما أشوفك تانى

بحبك أوى

h&m

يوم صعب أوى

حبيبي

عاوز أفضفضلك شوية ممكن ؟؟

أولاً : أنا عارف أنك زعلان مني النهاردة ... والله عندك حق ... بس أنا النهاردة كان يوم رخم وغتيت ومفيش حاجة كنت عاوز أعملها متعملتش وكان منها طلبك ... والله اليوم كان مقفول قدامي ... وانا كنت هاطق من حرارة الشمس

ثانياً : أرجوك خليك جمبي ... خايف أغلط ... أدعيلي حبيبي من قلبك بجد ... وادعيلي ربنا يبعد عني الشر لأني بجد خايف أوى ... وتعبان أوى ومش مركز في أي شيء ... ومش عارف أنا عايش ليه ؟!!! ... تعرف والله لولا أني بخاف من ربنا كان زماني خلصت من حياتي ...

حبيبي

بقعد اسأل نفسي هو أنا عايش ليه؟!!

مش لاقي إجابة ... ومش عارف إجابة ... وخايف يجي اليوم اللي ألاقي نفسي انتحرت ... والله خايف لأن الدنيا مش لقيلها لزمة ... ومش عارف أعيش فيها ...

حبيبي

أنا دلؤتي الحمد لله بصلي الحمد لله وبشكر ربنا أني لقيتك ... بس أنا ضعيف أوى من غيرك ... أرجوك أوعى تسيبني أضيع زى مكنت ضايع ... أدعيلي حبيبي أنه ربنا يوفقني في أي حاجة لأني خلاص بدأت أفقد الأمل في كل شيء ...

حبيبي

زعلك مني معناه أنتحاري ... أستحملني بقرفي وغلاستي عليك ليل ونهار

أستحملني لأني بصراحة مصدقتك لقيتك

أستحملني وادعي ربنا يهديني أو يموتني لأني حاسس أنه

الموت هايكون أريح بكتير من الحياة

حبيبي

أنا أسف بس والله غصب عني ... بليز متزعلش مني وخليك جمبي دايماًُ لأني محتاجك أوى

فوق ما تتصور...

h&m

الحر والجنس!!!

حبيبي

كنت كتبتلك قبل كدة عن علاقة الجو بالحب ... بس النهاردة هاكلمك في موضوع أبيح شوية وهو علاقة الجنس بحرارة الجو ...

حبيبي

طبعاً أنت عارف حرارة الجو بتعمل حرارة في الجسم كلوا ... وبتعمل في نفس الوقت حرارة فى أجسام كل الناس فالبطبيعي بيخففوا في لبسهم ... وطبعاً أنت عارف أنه البنات مش بتفرق معايا خالص ... بس مشكلتي أنوا الشباب بيخففوا أوى وبيكون جسمهم شبه عريان والغلبان اللي زيي كدة بيتلهف فى حرارة الجو للحكايات دى وببقي طول اليوم تعبان جداً جداً جداً ...

حبيبي

كنت قبل ما اعرفك بقعد أفكر وادور على حد يكون معايا ويطفى النار اللي والعة ... ومكدبش عليك مكنتش بلاقي وكنت بفضل في حيرتي طول الصيف ... بس كنت مش بهمد وكنت بفتح الميل وادور وادور وادور لغاية ما ألاقي ... كل ده لغاية ما عرفتك ... أتغيرت كل حاجة في حياتي وبرغم البعد اللي بينا ... وبرغم عطش جسمي لجسمك ... وبرغم تعبي طول اليوم ... أخدت عهد على نفسي أنو حتى البص على أى شاب حرام عليا واتحملت العذاب اللي بحسه دايماً ... واتحملت نار الفراق ... كل ده علشان لقيت الحب ... ولقيت قلب طيب يحس بيا ... ولقيت حبيبي اللي بدور عليه من زمان ... علشان كل ده ليا عندك رجاء

حبيبي

صوتك ... بيعوضنى عن كل حاجة

صوتك ... هو الحاجة الحلوة اللي بتحميني من شر نفسي

صوتك ... هو حياتي كلها

حبيبي انا بكون ميت فى الحرارة ومتعطش ليك اوى

أرجوك أوعى متردش عليا لأنى فعلاً بكون محتاجك

بحبك

بحبك

بحبك

hmrz

أوعى في يوم تزعل بليز

حبيبي

تعرف حبيب قلبي كل حاجة في حياتي بتتغير بيك يعني وانت زعلان غصب عني والله بلاقي نفسي زعلان ومدايق ومش بقدر أبين زعلي وضيقتي علشان أنت متزعلش مني ... حبيبي

بحبك لأبعد مما تتصور ... ومتعارفش حبك ده حمييني أد إيه ... حبيبي ... طول ما أنت جمبي مش هازعل أبداً لأنك أنت كل حاجة في حياتي بحبك وحبي ليك هو ميثاق شرفي يعني أنا من غير حبك ولا حاجة ... تعرف يا بيبي وكلام في سرك في ولد رخم كنت أعرفوا بيحاول يرخم عليا عاوز أقولوا أزاى أبصلك حتى وانا أعرف أجمل حد فى الكون!!! ده عبيط أوى بعتلي أكتر من ماسج وانا كنت مسحت الأرقام زى ما أتفقنا لقيت الرسايل أتصلت لقيتوا هو وبيؤلي واحشتني ... طبعاً هو قالها من هنا وروحت قافل السكة واتصلت بيك على طول قارنت بين واحشتني المليانه شهوة وقرف وقلة أدب وبين واحشتني بتاعت حبيبي المليانه دفء وحنان عمري ما حسيت بيه طول حياتي ...

وقتها بشكر ربنا على نعمته ... وبقول الحمد لله أنه ربنا كرمني بيك علشان يحميني صوتك بس من الوحوش الموجودين في الدنيا علشان يضايقوا البني آدمين الضعاف اللي زي حالاتي.

حبيبي

أرجوك خليك دايماً جمبي ومتسبنيش أبداً

حبيبك

h&m

الحب مش بيعرف المستحيل

حبيبي

أنا النهاردة هاصرحك بحجات جوايا مش قادر أحكيها ... تعرف حبيبي أنا قبل ما أعرفك يا لهوى بيبي قبل ما اعرفك بكام يوم أتعرفت على واحد وكنت هاضيع عنده ... أرجوك حبيبي أعذرني أنا مكسوف أحكيلك بس كان ممكن وانا عندوا كل يوم أكون مع واحد ومكنش فارق معايا حاجة لغاية ما شوفتك ... أنت عارف أنا حكيت لصديقي ده وقولتلوا في واحد بحبه وخايف أضعف معاه وكان فعلاً شفتك وضعفت ومقدرتش أقول غير بحبك وخلاص ...

حبيبي

بعد الليلة الجميلة إللي كنا فيها سوا والله مسحت رقم صاحبي وكل الأرقام اللي عندي لأني خلاص كنت بدور على الحب ولقيتوا ... خلاص وعلى الرغم من بعد المسافات بينا بس انت في قلبي ومحدش هايلمسني غيرك ... أنت حبيبي ... أنت حياتي ... أنت عمري

حبيبي

أنا حبك غيرني ... أنا كنت في الأول الشهوة دفعاني , دوقتي الحب هو اللي دافعني مش عاوز حد غيرك , جسمك رغم أنوا بعيييييييييييييييييييييييييد أوى عني بس قلبك موجود معايا بحس بأنفساك وبحضنك الدافي وشفايفك الدافية.

حبيبي

الحب مش بيعرف المستحيل والحب عمل معايا المستحيل وحولني لشخص تاني ... بحبك وأرجوك خليك جنبي دايماً لأني من غيرك ولا حاجة...

hmrz

بدموع عنيا سألتك

حبيبي

بدموعي بكتب

هو أنا عملت إيه مش عارف ...

هو خوفي عليك ممكن يكون ذنب بسببه تزعل مني وماتردش عليا وماتتصلش؟...

طيب لو كنت مش زعلان مني مش بترد ليه ... حرام عليك بقي ... أنت عارف بحبك أد إيه وبخاف عليك أد إيه وانت مش عاوز تكلمني يعني قصدك تجنني ... قصدك تعمل فيا إيه ...

بيبي لو كان خوفي عليك هايزعلك مني أوعدك هاحط على قلبي حجر ومش هابينلك أني خايف عليك علشان ما تدايئش مني تاني ... خلاص هاكتم عواطفي ومش هاظرها تانى لو كانت مزعلاك ... حبيبي أرجوك كلمني أنا هافضل صاحي مش هانام وهاستنى تليفونك ... اللي هايخليني أفرح بعد العذاب اللي عايش فيه الليلادي بسببك

حبيبي

أنا مش زعلان ... أنا بس خايف عليك ... وخوفى مجنني .... ومش عاوز حاجة في الدنيا تزعلك ... حبيبي طمني عليك وبس

أرجوك

المعذب

hmrz

علاقة الجو بالحب

حبيبي ...

النهاردة حبيت أكلمك في حاجة بيني وبينك كدة ... هو القلب بيتأثر بالجو ... أنا مش عارف أقولك إيه ... الجو من كام يوم عندنا ربيعي أوى وحاسس بقلبي عمال على بطال بيدق ... هتسألني وهو قلبي مش على طول بيدق هجاوبك وأولك دق الحياة غير دق الحب ... يعني كل الناس عايشة وقلبهم شغال دق بس هي كل الناس بتحب ؟؟

هنا هايجاوبك قلبي لا طبعاً مش كل الناس بتحب وحتى ولو كل الناس بتحب مفيش حد هايحب زى ما أنا بحبك ... مش عارف مش هاتلاقي أبداً حد بيحب زى حبي ... مش هاتلاقي حد قلبه زى قلبي ... بس هارجع لسؤالي ليك تاني إيه هي العلاقة اللي بين الحب والجو؟ ... أنا عن نفسي شايف أنه الجو بيأثر على الحب تأثير مباشر أوى

يعني لما يكون الجو جميل زى الجو اليومين دول هافتكرك على طول ... بس هافتكرك وانت بتضحك ... وانت بتحضني بقوة ... وانت بتكلمني عن نفسك ... هافتكرك وانت نايم على حجرى وانا بلمسلك شعرك ... بفتكرك وانا نايم في حضنك ... وانت مغطيني بشفايفك ... حبيبي بتمني أنه الجو يفضل على طول كدة ... لأني بفتكرك بحلاوته وبجماله ... حبيبي الجو بيفكرني بيك وانا بحب كل حاجة فيك .

أما الجو لما بيبقي حر ... مش عارف أقولك إيه ... مكسوف أتكلم ... الجو وهو حر ... بكون أنا حران ... وبشوفك زي كدة حران ... يعني بشوفك والعرق مغطيك ووشك الجميل ده بيكون جميل أوى ... ده غير طبعاً الميه وحلاوتها مش عارف أقولك إيه غير أنه الحر بشعر معاه أننا في الميه وكل حاجة فيك بتكون حلوة غير شفايفك اللي بتكون دافيه جداً وبتخلي جسمي بركان يمكن أسخن من حرارة الشمس نفسها.

أما في الشتا والبرد ... مش بفتكر غير حاجة واحدة ... بفتكر أول مرة كنا فيها مع بعض والسرير وعمايلك عالسرير إللي بسببها السرير كان هايولع من سخونة جسمي وجسمك ... حبيبي بحب الشتا والبرد لأن البرد بيقرب بين جسمنا وبيحولنا لجسم واحد بس .

حبيبي ...

مش هاقول غير حبيبي

وهو في فالدنيا أجمل من حبيبي

عيونك بتقتلني

رموشك تصحيني

شفايفك بتسحرني

وترجع تخليني

أشوف الدنيا منك

واحب حياتي بيك

بحبك يا كل عمري

وبدعيلك من كل قلبي

ربنا يخليك

أرجوك يا بيبي ... أول ما تشوف البوست أسمع صوتك في التليفون ... لأني بجد محتاجه

hmrz

مكالمة تليفون

التليفون عند كل الناس بيكون حاجة عادية جداً ... أما بقي تليفون حبيبي لما بيرن عليا وقتها بحس أني أسعد إنسان في الدنيا ... تعرف حبيبي والله بعد تليفونك بتكون أمنيتي الوحيدة أني محدش يرن عليا بعدك ويفضل أسمك منور تليفوني زي ما هو مغطي على حتة في قلبي ... قبل ما اعرف حبيبي مكنتش بهتم بشحن التليفون لكن بعد ما جمعنا القدر مش بحس بالسعادة إلا لما التليفون يكون مشحون أنا بحب أوى وتليفوني بيحبني لما بسمع صوت حبيبي فيه ...

لو أي حد غير حبيبي شاف البوست ده يدعيلي أنه ميتأخرش عليا في الأتصال ... أو بلاش الدعوة علشان مكلفة على بيبي ... أرجوكم أدعولي أنا أنه تليفوني يبقي دايماً فيه رصيد علشان مكلفوش لأني والله بحبه بجد وبموت فيه وبليز بردوا لو حد شاف البوست ده يدعي لحبيبي أنه ربنا يوفقه دايماً ويكون معاه دايماً ويخليه ليا ... لأني والله من غيره ولا حاجة وحياتي ملهاش طعم ... يارب ميحرمنيش منك يا أغلي أنسان في حياتي ...

بحبك .... بحبك .... بحبك .... بحبك ...... وهافضل أحبك لآخر لحظة في حياتي لأنك باختصار كدة أنت حياتي

hmrz

بحبك أوى

أنا يا جماعة لما بحب بحب بجد ... وبتعب أوى لما اللي بحبه ما شوفوش ... وده اللي حاصل معايا في اليومين السود دول ... المشكلة انى بحب بني آدم بعيد عني أوى يعني هو في مكان وحضرتي في مكان بعيد أوى عنه ... والمصيبة الكبيرة أنى بحبه وبحبه لدرجة عبيطة جداً ... يعني ممكن بمكالمة تليفون صغيرة منه أكون أسعد أنسان في الدنيا ولو زعل مني مثلاً وماردش على تليفوني أو رخم عليا ومتصلش لأى سبب ممكن يكون عنده حق فيه ساعتها الدنيا بتبقي سوده أوى وأسود من اى حاجة ممكن حد يتخيلها .

وهو ده اللي حاصل معايا النهاردة ... النهاردة يا جماعة كان المفروض أشوفه ولأسباب أنا واثق أنه معذور فيها قلي أنه مش هاينفع نتقابل .. مش عارف أوصف حالتي دلوقتي ممكن أكون أتجننت في عقلي لما حبيت أفضفض بس لو مكتبتش كان ممكن أنتحر وانا مش عاوز أموت كافر علشان كدة قلت لازم وضروري أكتب ... مش عاوز حد يقرا غيره مش عاوز حد يحس بتعبي وألمي غيره ... مش عاوز حد يكلمني غيره ... عاوز أقول وبأعلي صوتي بحـــــــــــــــــــــــــــــــــــــــــــــــــــــــــــــــــــــــــــــبك

عاوزه هو بس يحس بيها .... عاوزه هو بس يعرف الألم اللي حصلي النهاردة بسببه ... أنا كل اللي بطلبه من الدنيا أني أشوفه واقعد معاه ونتكلم ونضحك ونلعب وخلاص مش عاوز حاجة تانية من الدنيا هي دي أمنيات صعبة !!!!

حبيبي أنا محتاجلك

حبيبي أنت غيرت فيا كتير

حبيبي أنت عارف أنا من غيرك ولا حاجة

حبيبي أرجوك لو كنت غلط سامحني بس تعالا

حبيبي مش قادر أتكلم تاني ... بس كل اللي نفسي تعرفوا أنا من غيرك ولا حاجة

حبيبي خلاص مش هاقدر أقول غير حبيبي

hmrz