حبيبي
أنت عارف اللي حصل النهاردة كنت متوقعه
ومش هخبي عليك كنت عارفوا
أنا عارف يا عمري أنك مقصرتش معايا وسيبت أعز الناس عندك في الدنيا علشان خاطري
بس أنا عارف أنه القدر مش عاوز يجمعنا
أنا مدايق أوي ... بس مش منك
أنا كنت بحلم باليوم ده
كنت بحلم بيك وانا صاحي
وكنت بحلم بيك وانا نايم
حبيبي
أوعي تفكر أني بعتب عليك
لا والله
أنا عارف اللي حصل وواثق فيك اوى ... وعارف أنه غصب عنك
بس
أنا كنت مستنيك
وحاسس أنه عطش كل الأيام اللي فاتت هاشبع منو
بس للأسف محصلشي
وفضلت عطشان زي مانا
حبيبي
هو أنا مش عندي حقوق عندك؟..
أنا عارف أنه القدر رسملنا حياتنا
بس أنا خلاص تعبت
والله تعبت
بس عمري ما هاخونك أبداً
حبيبي
مش عارف أقول حاجة
غير أنك واحشني أوي
ومش عارف دماغي بدأ الصداع يرجعلها
أنا خلاص اتأكدت أنك سبب صداعي
حبي ليك حاسس أنه بيقويني
وبعدك عني
بيدمرني
حبيبي
أنا بفضفض بس بالكلام
أوعي تفكرني زعلان
والله مش زعلان
بس لو متكلمتش كنت هموت
الاشتراك في:
تعليقات الرسالة (Atom)
هناك تعليقان (2):
ييييييييييييييييييييييييه نسيت تانى
امسح التعليق ده يا عم
إرسال تعليق